O UD Somozas saca rédito ao gol tempraneiro vencedo o duelo por 2-1
Reacción do CD Choco na segunda parte do partido pero non foi suficiente para obter unha suma na casa do líder. O UD Somozas adiantaríase no marcador aos seis minutos cun tanto de Manu Núñez quen aproveitou un balón rexeitado e que puxo pola a escadra sin ningunha opción para o guardameta choqueiro, David Cortegoso.
Si xa de por sí, o encontro era compricado para o equipo choqueiro, peor se poñía cun gol en contra máis o equipo non baixou os brazos e a cada minuto que pasaba o equipo estaba mellor. A ocasión máis clara desta primeira metade para o equipo redondelá chegaría da man de Félix no 27’ pero a sorte non lle acompañou e o esférico marchouse fóra da portería do Somozas.
As últimas ocasións serían locais, das dúas que tiveron materializaron a segunda cuxo remate de testa de Marcos Álvarez obtén premio co segundo tanto do partido.
Cunha ventaxa de dous goles chegaría o tempo de lecer.
Tras o paso de vestiarios o Choco intentou reducir distancias e Maceira tivo dúas ocasións para facelo máis o esférico non entrou; unha de chilena e outra cun remate de testa. Habería que esperar ata o minuto 85 cando Toni Armada logra batir ao cancerbeiro Aitor, subindo o primeiro para os seus.
Entrementes o Somozas intentaba defender o resultado a favor os choqueiros buscaban a igualada, pero non houbo tempo para máis e o CD Choco suma unha nova derrota, polo que continúa en postos de descenso.
Esta semana de novo repite dobre compromiso; o CD Choco xogará o partido adiado contra o Sofán.
Ficha técnica:
UD Somozas: Aitor (p), Asier, Cabarcos, Carlos RIveiro, Luis, Manuel Núñez, Pablo Rey, Francisco, Marcos Álvarez, Rubén e Jesús. Tamén xogaron Aldán, Alberto Rey, Maroñas, Manuel Mariña.
Club Deportivo Choco: David Cortegoso (p), Ronald, Chata, Alberto Suárez, Comis, Caloi, Félix, Álex Pérez, Álex Figueroa, Berni, Kopa, e Monroy. Tamén xogaron Toni Armada, Jorge Maceira, Kopa, Rancaño, e Capelo
Goles: 1-0 Manuel Núñez (6’), 2-0 Marcos Álvarez (41’), 2-1 Toni Armada (85’)
Amonestacións: Os colexiados Iván Abel, Adirán López e Pedro Castro amoestaron aos locais Manuel Mosquera (12’), Pablo Rey (25’), Rubén Blnaco (65’) e Alberto Rey (81’) e aos visitantes Chata (8’), Berni (44’), Caloi (90+) e ao adestrador Juan Amoedo (65’)
Incidencias: partido correspondiente á xornada 27 do camiopnato da Terceira RFEF, disputado no Manuel Candoncia.
